كلمات اجروا يا مديانيين (الحرب)
سبع سنين ظلم في ظلم
كان نفسنا يكون ده مجرد حلم
مفيش رحمة عند المديانيين
قسوة وخراب علطول مسببين
جه وقت رجوعنا أحرار
والسر في الابواق والأنوار
يلا هنتقسم ٣ × مية
نحاوطهم ونمسك الأدوات دية
رغم إني مش فاهم ليه الأنوار
و ليه انت مصمم على الجرار
بس انا معاك يا قائدنا جدعون
اكيد الرب إلهنا هيبعت لينا العون
اول ١٠٠ ييجوا معايا نقرب اكتر
والباقي يتوزع حوالين المعسكر
اعملوا زي اللي ما هعمل بالضبط
هي دي الخطة ولازم يحصل الربط
جدعون مسكهم أبواق ومصابيح
حاجة غريبة وتحير اوي بصحيح
المعروف إن الجنود يعني سيوف
دي حرب عجيبة جدا خلينا نروح نشوف
"اول ما تسمعوا صوت الأبواق من عندكم
استخدموا الأبواق اللي معاكم
وكسروا كل القلل بمنتهي القوة و الشجاعة
متخافوش احنا مش لوحدنا
يلا.. يلا بينا يا رجال الله"
ايه دة انا بحلم ولا إيه
نار دي ولا نور حد يفهمني الأمور
كفاية تكسير انا مش لاقي تفسير
ده شكله جيش مالوش آخر
ياريتني ما كنت مولود
الضلمة بقت نهار فجأة
ومفيش غير صوت الأبواق موجود
الحقونا ده الموت حاوطنا
والوادي اتملى فرسان
سامعين صراخ الأبواق
تكسير شديد في كل مكان
اجروا يا مديانيين
اجروا حتى لو هربانين
اجروا يا مديانيين
اجروا حتى لو هربانين
المعسكر ضاع واتقلب
م الرعب مابقيناش شايفين
بـ ٣٠٠ راجل بس
هزمنا أقوى الجيوش
صوت أبواقنا زلزلهم
وفي دقايق راحوا على فشوش
كسرنا الجرار في العتمة
والمشاعل قادت نار
سيف للرب ولجدعون
خلى العدو محتار
نجحت ويانا الخطة
وهربوا لبيت شطة
واللي عقله طار ومات
واللي جري في كل حتة