كلمات اخطيت في حق امي

اخطيت في حق امي من ردى فالي
شالفايده دام قصرنى بواجبها

انا اخطيت في حقها وانا على بالي
اروح واسهر ولا افضى اروف بها

الام مافكرت تنسى الضنى الغالي
وانا نسيت اني من الواجب اقوم بها

لصرت مرضان تسال وش جرى لحالي
وانا اتهرب ولا فكرت اروح بها

تسهر تحرى رجوعي لين اذن التالي
وانا اتضايق لجلستها واحاسبها

معاد ينفع بكاي اليوم على حالي
امي توفت وكثر النوح يعذبها

ياسامعين المعذب انصحو السالي
لايتعب امه وبافعاله يغلبها

والله لو ترجع امي ويتهيالي
لحج فيها لوعلى اكتافي اطوف بها