كلمات غصون الحلم
على شرفة ظلام الليل أرقب نور إشراقك،،، تعبت من الشعور اللي سرقني بين خلاني
أبيك تضمني ل لآخر مداك بفجر أحداقك ،،، وأعيشك لآخر أنفاس الوله من عمر وجداني
أشوف الحب في قلبي إلى مابعد آفاقك ،،، أحبك يالمسافات البعيدة لين تلقاني
أبي تنثر على صبحي لقا من دافي أشواقك ،،، ترى كل الغلا جالك وأنا بعضه ولا جاني
قطعت سنين في عشقك ولا بدلت ميثاقك ،،، قصيد الحب لعيونك يكحل عين ديواني
أخيلك يا ظما جرحي على بسمات براقك ،،، أبي أروي غدير الشوق وأحطب لجلك أغصاني
تحت وارف غصون الحلم طاحت آخر أوراقك ،،، كثر خط القلم عشقي تركت الناس تقراني