كلمات أمي تاج راسي

فاكر أول كلمة، طلعت مني انا ليكي
ماما يا أجمل نغمة، روحي بتدفى بيكي
تاتا وخطيت عتبة .. والخطوة سندتيها
ولسة حبيبتي بدعوة .. منك بمشي انا بيها

يا ضحكة ف وش الزمان .. حضنك براح وأمان
سنين بتعدّي عليَّا وحبك ثابت زي زمان
كبرت وشفت الدنيا .. بما فيها وشوش ألوان
ولسة يا ضي عنيا بجيلك بنسى هموم أحزان

يا أمي يا أول اسم .. نطقته عرفته ف ناسي
علمتيني ارسم  .. رسمتك تاج فوق راسي
ياروحي يا ست الكل .. حنان والعالم قاسي
ف عز ضلام الدنيا الاقيكي ونورك هو أساسي

يا ضحكة ف وش الزمان .. حضنك براح أمان
سنين بتعدّي عليَّا وحبك ثابت زي زمان
كبرت وشفت الدنيا .. بما فيها وشوش ألوان
ولسة يا ضي عنيا بجيلك بنسى هموم أحزان

يا ضحكة مالية البيت، صوتك علاج لجروحي
مهما انا رحت وجيت ، دعواتك هي طموحي
يا رب يبارك فيكي .. يجعل أيامِك عيد
يا أمي يا جنة عمري .. يحفظلِك عمر مديد

يا ضحكة ف وش الزمان .. حضنك براح أمان
سنين بتعدّي عليَّا وحبك ثابت زي زمان
كبرت وشفت الدنيا .. بما فيها وشوش ألوان
ولسة يا ضي عنيا بجيلك بنسى هموم أحزان