كلمات الكيف Elkeef

هتدفع تلاقى
حبى ووفائى
وكامل عطائى
وبهجه وسعاده
وضحك السنين
هتخلص فلوسك
تدور عليا
ما تلقى قصادك غير الكآبه وهم السنين
تنميل فى جسمك
ورعشه رعشه رعشه ف اييدك
ونقص أكسجين
تحزر تفزر ماتعرف تفكر
حياتك بتقصر بتخسر حياتك
عرفت انا ابقى مين
انا الكيف عليك بيعدى زى الطيف وما تحسش
تصاحبنى هسقفلك واهيصلك وهرقصلك
طول ما القرش مالى محفظتك
هنورلك اضاءة عتمة الاحزان بنور زايف
ما اهو انت ضعيف وجبان عشان خايف
جريت عليا ونادتلى فكان لازم البيلك
شليتلك كل تفكيرك
فحبتنى
انا الكيف وسعرى رخيص فماتلومنيش ما دمت جبان
بأوامر عليا من إبليس بتصنع بإيد إنسان
وحامل سم لعروقك وده طبعى وده دورى
مادام قبلت تصاحبنى فتقبل حكم دستورى