كلمات ممنوع
بنلملم فتات قلوبنا وسط الركام
والقمر غاب ،و السؤال ما له جواب
وال جرح مفتوح ، و ممنوع
ممنوع نقول ااه ، ممنوع نقول حرام
بعيونا شايفين ،و ساكتين
مين يحل المسأله
يجاوبني عالاسئله
يرسم اللي جاي احلا ملي جرا
ويكون للعدل خطه مش معلنه
ارقام ارقام اعداد
دمار البشر بقي منظر متعاد
جوانا نار ما بتطفيش و المطلوب نحب نعيش
نحلم حلم بجد مش ، مجرد حلم بلقمه عيش
سكتنا سكتنا و ياريتنا اتكلمنا
يا ريتنا ما كتمنا يا ريتنا صرخنا بعلو صوتنا
لبسنا عمه السكات ، لبسناه وقالولنا انه تاج
وللاسف كان السكات ، اصعب انواع العذاب
بقلمي بكتب قصتي و الضحكة تداري حزنها
علي رجلي ماشي خطوتي و الخطوه سر ضيها
وفقلبي حابس دمعتي حالف ما هسمحلها
لا مش هسمحلها
ولسه فاكر المكان لسه فاكر الزمان
وهفضل فاكر مهما تمر الايام
دالحق سيف يقطع رقاب
يا رحمه فيها كل العذاب
حطينا ضميرنا في تلاجه
و فعز الكون ماهو محتاج
لصرخه الم او لاجابه
دفنا راسنا في التراب
الدنيا كاس مر و بيدور
علينا هيمر لكن بالدور
و مهما نسكت مفيش هروب
مفيش غير المواجهه ، مفيش غير الصمود