كلمات حيرة
أنا سبت روحي لناس متستاهلش
واللي قولت صاحبي ف شدة متعاملش
واللي ادتها قلبي رخيصة مصانتش
أنا شوفت كلاب أندال متتعاشرش
كله سابني لوحدي اسندني يابا
أنا لما وقعت قومت لوحدي يابا
الدنيا مشيلاني شيلة تقيله يابا
أنا ضهري أتقطم منها بدري يابا
خليك ف ضهري يابا
الجميله كانت ف قلبي داء
أخويا انا واحد من المر داق
فا متجيش تزود عشان خلقي ضاق
ملقتش اخوات ف ضهري لقيت عداء
أنا شوفت أشكال مشوفتش اي اداء
قلة الأصل بينهم كانت وباء
مشوفتش إخلاص مشوفتش اي ولاء
شوفت الغباء واللي ف العبط ساق
لسانك حصانك .. أمسك لجامك
عشان لو هتخيب هحزن اللي جابك
مش هتشوف قدامك انا قولتهالك
هتروح من الدنيا فين ماهي لفه وراجعالك
انتي فاكر ايه ؟
لو فاكرها بالساهل فا دا ف خيالك
محدش هيكون ف ضهرك خلي بالك
وقفت ف الدنيا بطولي مش اللي ف بالك
عادي مش عاجبك هادي اقطع ودانك
الناس عاملين نضاف اخويا وهما زباله
فاكرين نفسهم حاجه وف الأصل كماله
دماغهم عطلانه ياخويا مش شغاله
دماغهم شغاله بس ف الخيانه
احكي عن الدنيا … مش جميله
احكي عن صحابي … مش اصيله
حتي البت الحيله … حطتني ف حيره
أنا جيت الدنيا شوفت ناس عجيبه
صحاب بتبيع بعضها عشان مخدرات
وناس بتبيع نفسها عشان مجوهرات
أنا من الناس تعبت يخويا وقلبي شاط
دول شافوا قلبي تكية يخويا وكله ظاط
أنا سبت روحي لناس متستاهلش
واللي قولت صاحبي ف شدة متعاملش
واللي ادتها قلبي رخيصة مصانتش
أنا شوفت كلاب أندال متتعاشرش
دنيا وظروف عاملني ساندوتش
الو*** ادتها قلبي وبرضو مصانتش
القدر مبيعتمدش
جوايا حته تضيفه لسه مماتتش