كلمات فراغ عاطفي
لما ارتبطت ب٦
كل واحده خدت حته
ودا مش منطقي
من ابتدائي لحد الجامعه
ايوه كان فراغ عاطفي
كنت لوحدي محدش جمبي
ولا حتي اهلي
محدش كان عارف عن ايه اللي بيدور جوه مني
مكنتش مدلدل
لما بطلب كان يتقالي بح
مكانش عندي صاحب واحد يشد للصح
استسلمت فا سبت قلبي لصاحبة النصيب
قولت يمكن المره دي تصيب كانت بتخيب
وعادي ايه الجديد ؟
ما انت منحسه معاك من ساعة ما ع الدنيا وعيت
كنتي اقعد ف اوضتي واسمع تامر حسني
أنا كنت صغير بس قلبي كان كبير وشوفتي
بدأت مراحل الاكتئاب تخبط ع الباب
فتحت عيني من المنام … جدك مات
مش فاهم دنيتي
سنه بالكتير سنه وشويه ومشيت جدتي
اتنحست جتتي
اتشوهت رؤيتي والأسود اساس هدمتي
مشيت صاحبتي
ورجعت لوحدتي
كبرت شويه وقولت عقلنا وف الواقع عيلنا
دخلت شلة قولت عزوة الارتباط نيلنا
كان اكبر اغلط لما عمينا وع القلوب ميلنا
جت سيرتي بالباطل ف ضهري
أنا كنت فاكركوا مننا
أنا مش بلوم غير نفسي
أنا اللي شوفت الناقص راجل
ع الخسيس بمسي
واتخدعت وكنت فاكر الدخان هينسي
وبغبائي رجعت تاني افتح السكه لقلبي
سبته لواحده متستاهلش وف الهموم بعبي
ارجع واقول دا ذنبي
عشان سبت قلبي لواحده دايما كانت تكدب وتخبي
شالله ياسيد يا بدوي
اخر جزء ف الحدوته مش هيطول عليكي
انتي كل مره بتأنني عشان دا طبع فيكي
زي كل مره جريتي عشان خايفه يأذيكي
ومش مهم لو يأذيني مش جديد عليكي
عليا الحرام من ديني ما حد فيكوا يملا عيني
محدش فيكوا عنده مبدأ محدش كان يعنيلي
لما الفلوس هتغيرك ازاي بتقولي زميلي
ك** اي فلوس لو هتجيلي من واحد
أنا مش بقول اني ملاك أنا اوسخ حد فيكوا
يمكن هي دي النظرة اللي بتمنعني اأذيكوا
أنا عديت كتير دلوقتي جه الدور عليكوا
أنا نفسي أرجع نضيف من تاني
بس مش هينفع
عشان اقدر اعيش وسيطكوا