كلمات قلبي وأنا
✍️ كلمات: الشيخة فاطمة بنت راشد آل مكتوم
🎼 ألحان: بدر الذوادي
تدرين كم تسوى معي طلبت شفاك
يا شيخةٍ قلبي وأنا تأمرينه
يا معطرة بالحب والزين دنياك
يا نور قلبٍ بالغلا تسكنينه
حبيت أنسق باقة الشعر لرضاك
وإنتي بمنطوق الحلا تدمجينه
لا جت حروفي وأنطقتها شفاياك
عبدالمجيد أرجوك لا تحرجينه
أفرح بشوفك يا حلاوة ملاقاك
الجو بوجودك فرح تشعلينه
كن الفرح يمشي بخطواته ويّاك
من وين ما رحتي معاك تجذبينه
لله درك كيف هذي مزاياك
محظوظ قلبي عندك وتأسرينه
أقولها تدرين محد يسواك
وأدري أنا كثر الغلا تجهلينه