كلمات الحياة باختصار
الحياة باختصار
اوعى تفضل ف انتظار
نط جوا التجربة
لو حتى كانت متعبة
في الضل اوعى تعيش سعيد
الحر دايما ف اختيار
الحياة باختصار
اوعى تفضل ف انتظار
اوعا تهرب م الألم
يوم هيرجع للعدم
خاف لحد ما يبقى خوفك
يبقى خايف من وجودك
خلي دنياك م الخدم
لوّن الليل بالنهار
الحياة باختصار
اوعى تفضل ف انتظار
كل حلم وله صنم
وانت دورك تكسره
تلقى حلمك فوق هرم
وانت خايف تخسره
طوّحه على طول دراعك
شوف حقيقي لو بتاعك
يوم هيرجع بين إيديك
ارمي خوفك من دماغك
خلي حلمك لعبتك
تملكه مش يملكك
أنت أحسن تبقى حر
لو بحلمك تتخنق
ارمي حلمك جوا نار
الحياة باختصار
اوعى تفضل ف انتظار