كلمات ضلمة
ضلمة ف كل الكون وأنت
ماشي وقلبك فيه قنديل
كل طريق قدام منك
توهة ومن غير اي دليل
كل دليل عايز منك
تديه نفسك من غير شرط
بس الحُر أكيد دايمًا
رده بيبقى كلمة رفض
إزاي يقدر يستسلم
للمجهول ووشوش الزيف
أصل الحر بيرمي الدنيا
علشان عايش زي الضيف
***
يا نار الغضب
ماليش ف الهرب
يا انا يا السبب
ومليون هل؟
صراع للأبد
وفيه اتوجد
جميع البشر
ومن غير حل
***
يا وجود مبني للمجهول
أنا سائل وأنت المسؤول
مهما أزعق صوتك صمت
غضبي بينده ومفيش رد
صخرة هشيلها واطلع جبلي
طالع رغم الخوف من جهلي
يمكن أوصل أو ماوصلش
اتعلمت خلاص ماسألش
مش مهتم يكونلها معنى
علشان كله قش ف قش
أنا مهتم أجرب واغلط
يمكن أعرف أو ماعرفش
***
يا نار الغضب
ماليش ف الهرب
يا انا يا السبب
ومليون هل؟
صراع للأبد
وفيه اتوجد
جميع البشر
ومن غير حل
***
ضلمة ف كل الكون وأنت
ماشي وقلبك فيه قنديل
كل طريق قدام منك
توهة ومن غير اي دليل
كل دليل عايز منك
تديه نفسك من غير شرط
بس الحُر أكيد دايمًا
رده بيبقى كلمة رفض
إزاي يقدر يستسلم
للمجهول ووشوش الزيف
أصل الحر بيرمي الدنيا
علشان عايش زي الضيف
***
صراع للأبد
وفيه اتوجد
جميع البشر
ومن غير حل
صراع للأبد
صراع للأبد
وفيه اتوجد
صراع للأبد
ومن غير حل