كلمات ما بعد 12
ليه الأحلام مبتتحققش
وليه الدنيا معنداني
والليل بيعدي ومبانمش
ومش عجباني أحوالي
فين ايامي وفين احلامي
عدي العمر كأنه ثواني
والسكينه كانت سرقاني
نفسي ارجع عيل من تاني
ليه الدنيا ضدي .. والعالم رافضني
نفسي ألاقي نفسي حقيقي مفتقدني
ليه مش مكتوبالي آمالي وطموحاتي
دبلت زهره شبابي والفشل بيطاردني
كان نفسي اعيش .. اللي نفسي فيه
وخلاص مفيش .. شيئ اندم عليه
وميهمنيش اخسر تاني ايه
هبكي علي ايه ولا اي ولا ايه
كنت فاكر الدنيا سهله .. واني هكبر واعيش حياتي
واكتشفت حياتي فخ واني بعيش اسوأ حالاتي
خدتني غدر ..واتسحلت .. فاتني قطر.. الحياه
واني لسه عايش ومكمل دا كان اكبر إنجازاتي
تسؤلات ما بعد 12 وانا في قلب الوحده
هل الألم جزء ي صديقي من الرحله
هل كبرنا والأحلام بقت سراب
خابت كل الآمال كل الطرق ضباب
مش نفس الشخص بتاع زمان الدنيا غيرتني
قلبي الطيب مات كمان الدنيا وسختني
فوقت من الصدمه .. فوقت من الخضه
خلاص أنا هبقي حد تاني من النهارده
حابب ابقي لوحدي .. حابب ابقي بعيد
هخلق لنفسي الفرصه .. وبكره مش بعيد
دماغي عايزه العزله قررت الاختفاء
قسوه التأقلم عالمفروض والمتاح
هسيب المدينه .. لوحدي عالسفينه
ههرب لعالم تاني..حياه مع نفسي جديده
كنت فاكر الدنيا سهله .. واني هكبر واعيش حياتي
واكتشفت حياتي فخ واني بعيش اسوأ حالاتي
خدتني غدر ..واتسحلت .. فاتني قطر.. الحياه
واني لسه عايش ومكمل دا كان اكبر إنجازاتي