كلمات ما قدر اوصفك

ماقدر أوصفك في كلمة ولا كلمتين
منطق العقل يرفض أنت فوق الخيال
أتقرب على وصفك عسنه يبين
وأجمع الفكر لجلك يافريد الخصال
خذتني في جمالك بين خشم وعين
وأنته الزين كله يا شبيه الجمال
منفرد في وصوفك كامل بكل زين
مدمعك للوضيحي وعاتقك للغزال

أهيف فيك من حسن اليوازي مثال
الشعر فوق متنك لامع كاللجين
أو كما عرف شقراء لافحنه شمال
في خدودك زهور يانعة ياسمين
قيحوان الفيافي فل ياس وهال
مبسمك صف لولو من غزار ثمين
وابتسامات وجهك سعد حظ وفال
منطقك عذب وأسلوبك فهامة فطين
تسلب العقل وتزيد المولع هبال
والله إني أحبك والمحبة يقين
مخلص لك حياتي دون شك ومجال

وصرت بين الأمل والياس روح وتعال
أنت معنى المحبة والغلا والحنين
شوق وجدي وعمري للقاء والوصال