كلمات الحلوة لـ

ليل نهار عمّال تعاني
لسّه بتعافر عشانها
والحلوة حبّت حد تاني
وإنت ساعتك واقفه في زمانها

لسّه لمّا نجيب سيرتها
تقول حبيبتي وكلّ حاجه
لسّه بتشوفها بخيالك
يا عمّ فوق بطّل سذاجه

قولي إيه أخدت منها
غير كره ليك مع عيشه كافرة
الحلوة لو عاوزاك هاتيجي
سيبك إنت من المعافره

الحلوة لو حبّاك هترجع
مش هتستحمّل غيابك
فاكر أمّا جيت تعاتب
قالت مش فاضيه لعتابك
الحياة بعدك بتضحك
امشي يلاّ وشدّ بابك

الحلوة يومها كانت بتقصد
إنّها مع حد غيرك
قضيت يومين حلوين معاك
وعادي نسيت كلّ خيرك

الحلوة لو حبّاك هترجع
مش هتستحمّل غيابك
فاكر أمّا جيت تعاتب
قالت مش فاضيه لعتابك
الحياة بعدك بتضحك
امشي يلاّ وشدّ بابك

اغنية الحلوة – ميشيل مساك
Elhelwa – Mishel Mesak