غماران د چا زامن دی یو کافر کړي بل زندیق کړي یوه ورځ به ورته ګوري چي منبر دی نړېدلی او آذان په سترګو ړوند دی غماران د چا زامن دی چي په ویښو سترګو ویني د ښایستو حورو خوبونه پر کتاب نسکوره پروت دی طالب جان په سترګو ړوند دی غماران د چا زامن دی د علي د توري شرنګ دی د حمزه د جنګ نکلونه شیخ زنګیږي افسانو ته زلمی ځوان په سترګو ړوند دی غماران د چا زامن دی لا به ځو تر طوافونو د غِلمانو په هوس کي موږ مُلا یو تېرایستلي چي شیطان په سترګو ړوند دی