كلمات كلمتين جد
فوقلي حبه هقولك كلمتين
وانت ادري بمصلحتك
أنا ياما قولت ليك كلام ياما كتير أنا نصحتك
كل اللي انت فيه من الشمال مش من نصاحتك
وعشان بتحب القرف سبتهولك عيش براحتك
وانتي
انسي انك تلاقيني ف اي حد غيري
تشغيل دماغ وتكسكه كل دا من خيري
وعشان فهمت اللي جواكوا أنا بعاملكوا من مناخيري
انسي انك تعيشي اللي ف دماغك دا من غيري
دا اجباري تحاولي تجيبوا رجلي عادي ولا ف دماغي
وصعب تشوفوا اللي شوفتوه معايا دا مع حد تاني
ومهما تقولوا انه مش فارق اشطا وانكوا عايشين عادي
الاقي اني لسه ف راسكوا ومستنين مني الاغاني
أنا محبيش اكون وسطكوا عشان بتموتوا انتوا ف الغلط
قولت لنفسي فلوس وصحه وربي عشان مش ناقصه مرض
عشان شوفتوا مني اصل مشوفتش منكوا غير العبط
كله هيموت فا ليه الوساخه أنا مش فاهم ايه الغرض
لو اللمه دي هتكون كدابه عادي اعيش لحالي
لو الحب هيكون عاله مع السلامه ولا فارقالي
هعيشها عادي ظابط حالي ما أنا حكومة زي خالي
وزي ما قولت كل جاي دوره ومش هقول اسامي
مشكلتكوا ف الحياه دي انكوا عايزين اي حاجه
وانا مشكلتي ف الحياه دي اني عايز كل حاجه
بس عندي مبدأ عندي اصول ودي اهم حاجه
فا متساووش نفسكم بيا عشان بجد انتوا مش حاجه
ومش فارقالي عيشت باكتئابي
وهطلع منه تاني
ما دا هو العادي محدش ماسك ايدي عشان عايش بدماغي
انتوا مش ناسي فكروني تبقوا ايه انتوا ف حياتي
أنا مش ناسي بس عامل ناسي عشان تعيشوا عادي
طب تعرف يا صاحبي ان خلاص مبقتش تأثر فيا
طب تعرف يا صاحبي ان وهي معاك بتفكر فيا
طب تعرف يا صاحبي اني بجد كنت ليها امنيه
طب تعرف يا صاحبي ان بجد مبقتش فارقه ليا