كلمات بجري
أنا لو مكنتش اكتئبت مكنتش يوم كتبت
أنا لما حاولت اوصل لحاجة وصلت لحيطه سد
أنا نفسي دماغي تسيبني ف حالي عشان تعبت بجد
ما أنا كنت ف حالي سبت الدنيا وناسي ايه اللي جد
انا لما لجئت ليكوا جريت عليكوا قطمتوا ضهري
أنا مش محتاج غير امي وكام صاحب راجل فضهري
دا أنا كدبت نفسي حتي لما الكلام وصلي
مش عايز حد فيكوا عايز بس أصوم واصلي
متفكريش تجيلي عشان ملقيتيش بديلي
انا انزه حد ف جيلي وعارف انه شيئ بديهي
معنديش حد يديلي بس عندي امي تدعيلي
ولو هتميل عليا الدنيا أنا برضو عندي زميلي
تفتكر هياخدوا بالهم لو مشيت؟
أنا عايز أفكرك بكام حاجه بس لو نسيت
واقولك انك كل مره تيجي تقول ياريت
ساعة لما شوفتها ومن ساعتها انت اتعميت
بتعيط ليه دلوقتي هو مش انت اللي اتغبيت
فاكر المشكله إياها لما مشيت وسبت البيت
هو انت فين؟…
حسيت كتير اني اتكسرت
نفسي احس اني انتصرت
أنا اتعلمت واتعظت
لما مالدنيا اتقرصت
وانا مش كل مره هبدأ
اللي عايز يمشي يمشي
وعشان دايما عندي مبدأ
الناس دي مكلمتش
أنا عيشت حياتي دايخ بين حلمي وشغلي والجامعه
أنا عندي كتير اقوله بس ياريت الناس دي سامعه
ومهما كنتي بعيده عارف برضو انك متابعه
أنا كنت بسقي الزرعه وجوه مني النار دي والعه
ياللي عملتوا ناس بريئه
أنا شوفتكوا ع الحقيقه
وهجيبهالكوا بالطريقه
عشان بقول كلمات جريئه
دايما عندي امل
انت كل كلامك كدب والاتنين منك بخول
أنا باجي أتعامل وقتي
وانت بتسال ايه العمل
ماما عارف اتاخرت
ماما عارف اتغيرت
صدقيني مش بايدي
دي مش جنه احنا ع الارض