یاران می وپیږندل ساړه باد مې لاس په سوي ځیګر کېښود د شپیلۍ د سوي غږ په څېر روان شو يو نری نری زبیرګی مې تر غوږ راغې پسې تالندی شو شړکنده باران شو یاران می وپیږندل د چا مات بانه مې یبله پښو کې لاړه د کوم چا په سپین مړوند مې قدم کېښود د شلیدلي هار دانې مې کړې راټولې ورسره مې د خوږو سترګو نم کېښود یاران می وپیږندل په یوه قبر مې کږه شناخته کړه سمه لکه خوب مې د دوه سترګو مخکې تېر شو د جګړې بلا خوړلی و ویده و ښایسه نوم یې و خو اوس راځنې هېر شو